HINIR ILLU ANDAR.


 

 

 

 

DÓMGREINDIN HERLEIDD.

Gyðingar hafa oft verið sakaðir um að hafa drepið Jesú. Það er auðvitað rangt. Múgurinn lét glepjast m.a. af ótta við leiðtogana. Það óttaðist að vera útskúfað frá trúarsamkomunum. Það óttaðist að lenda í ónáð ráðamannanna. Lýðurinn var taminn eins og hross til hlýðni og lét að stjórn. Illi andinn sem var í heiminum réði ferðinni og hafði sitt fram!
Ekki voru allir Þjóðverjar nasistar, langt í frá. Hinn illi andi sem stóð/stendur að baki nasistum krafðist þess að fólk mætti á samkomur þeirra og áróðursfundi. Nasistalögreglan fylgdist með því hverjir mættu á fundina og fólk þorði ekki annað en að mæta af ótta við hefndir valdhafanna. Illi andinn sem var í heiminum réði ferðinni og hafði sitt fram!

NYTSAMUR  SAKLEYSINGJAR.
Í einni af bókum Símonar Wisenethals sá ég fyrst íslenskað orðasambandið ,,nytsamur sakleysingi“ og þá yfir gyðinga sem blekktir voru til að upplýsa nasistana um heimilisföng annarra gyðinga. Þessir ,,kvislingar“ gerðu þetta af ótta við hin djöfullegu öfl andaheimsins sem stjórnuðu ferðinni, þeir gerðu þetta til að bjarga lífi sínu enn áttuðu sig ekki á því að svikamillan gekk fyrir blóði þeirra sjálfra. Illi andinn sem var í heiminum réði ferðinni og hafði sitt fram!
Ritstjóri þessarar síðu notar nú hugtakið nytsamur sakleysingi yfir undirlægjur í stjórnmálum og fjölmiðlafólk,  sem smjaðrar fyrir múslímum. Smjaðrar fyrir íslamskri heimsyfirráðastefnu á vesturlöndum og þar með manndrápum, nauðgunum, aflimunum á kristnum eins og hindúum. Þetta er auðvitað hárrétt samlíking nema hvað hersetin Ísraelsþjóðin á hérvistardögum Jesú, andlega kúgaðir Þjóðverjar á Hitlers tímanum og örvæntingarfullir, ráðvilltir gyðingar á flótta við að bjarga lífi sínu voru ekki í sambærilegri stöðu gagnvart yfirgangi einræðisaflanna á sinni tíð og frjáls, stjórnvöld vesturlanda eru í dag.

HVAР ER  Í  GANGI?
Hvað í ósköpunum er í gangi t.d. varðandi helfararþögn íslenskra fjölmiðla á ofbeldi trúpólitískrar heimsyfirráðastefnu. Hvað í ósköpunum er í gangi þegar utanríkisráðherra Íslands lýsir yfir sjálfstæði þjóðar sem stjórnað er af hryðjuverkasamtökum og spilar þar einleik í hugarheimi óraunveruleikans. Illi andinn sem var í heiminum er enn í heiminum, en að lýðræðislega kjörin stjórnvöld þjóðar,  sem alin er upp í kristnum gildum skuli afhenda honum vald sitt er nýtt viðhorf. Það að selja skrattanum sál sína þótti ekki góð pólitík hér áður fyrr, en heimur versnandi fer var líka stundum sagt áður fyrr. Opinberunarbók Biblíunnar er samt ekkert undrandi á þessu og spádómar um endatímana eru í samræmi við þróun stjórnmála í vestrænum samfélögum.
Biblían kennir að baráttan, sem við eigum í sé ekki við menn af holdi og blóði heldur við andaverur vonskunnar í himingeimnum. Þegar stjórnvöld hafa afvopnað sig fyrirhyggju og raunsæi á aðstæðum standa trúarbrögðin ein eftir og hljóta að takast á. Guð blessi Ísland.

Eftir   Ársæll Þórðarson

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s